السلام عليكم ورحمة الله وبركاته
ماصارت هالعطيه اللي كل يوم واحد مشرشحينه وفاضحينه
وساحبينه بالمخافر. اللي بنظرهم مايستحق واللي بنظرهم طالب
واسطة موظف عشان ياخذ من هالمنحه . وماطلبها الا محتاج
واللي ناطرينه المخفر على الباب اللجنه لانه عنده ديون بالعقل
لو هالمسكين ماعنده ديون وملعون خيره رضا بهالمذله
واخرها مسوين مصايد لهم وساحبنهم مخافر خوووش عطيه ومنحه
يبا بطلنا مانبي هالعطيه ودوها وين ماتحبون بالعاده تقطونها
المتبرع المسكين مرض الناس صارت تدعي عليه بدال ماتدعي له بالخير
**********
يعني بالله هالملايين اللي تروح لدول اياها نعرف عنها شي وين رايحه
ولمنو. ولاحيلكم بس على هالفقاره عيال هالديره
*************
فاصله اخيره
صفقة اسلحه رغم الحال المتدهور بالنطقه اللي
على وشك الانفجار باي لحظه تظهر صفقة اسلحه
هزليه لان الاسلحه المتفاوض عليها مارح توصل
لنا الا بعد جم سنه ..مو شهر ولاشهرين يعني بالذمه
منو بيحمي منشاتنا النفطيه لوفكرة طاعون العصر ايران
ضربه وتعطيل مصالحنا ومنشاتنا النفطيه فقط معتمدين
على امريكا وحمايتها ََ!!!!لااعرف وانا لاافقه بالسياسه
لكن سؤال ساذج وبايخ ادري.. يعني لاحمينا نفسنا ولاحققنا
الرخاء لمواطنينا وين هالميزانيات قاعد تروح لامستشفيات
مثل العالم.. لا والعلاج بره توقف يعني موت فطيس بحدى
هالمقابر المسماه مستشفيات حكوميه وغلاء فاحش بالاسعار كسر
ظهورنا وديون وقروض وووووووالخ من هموم المواطن
العادي السموووحه على اسالتي البايخه بوقف هنيه لاني صكني
صدااع جامد عسى موالضغط مرتفعه
يبحفظ الرحمن جميعا
كويتيه مقهورة
هناك ١٢ تعليقًا:
مو بالضرورة المتبرع له علاقة باللي قاعد يصير,
ويمكن في ناس تاخذ وهي غير مستحقة, الله اعلم.
والله انا من شفت وقفتهم وزحمتهم وتصوير الجرايد لهم
بصراحه شي يقطع القلب
معقوله بالكويت يصير جذي؟؟
بس اختي لاتنسين ان في ناس ترى قدمت بس جذي يعني بطرانه على قولتهم زيادة فلوس
وهالشي ما يمنع ان أيضا في ناس تكسر الخاطر بس ما اعتقد ان الحل بهالمنحه
وماظن انها فعليا ساعدت أحد
الا القليل جدا
يااختي احنا بلد الخير والكرامه
شصاير فينا ؟؟
قلبي عورني على ديرتي وعلى الناس لما شفنا الصور والزحمه يوم التقديم
والله المستعان
بس تبين الصج حركه وصخه من الداخليه وغريبه
!!!!!!!!
بس ما اعتقد اللي تبرع له شغل بالموضوع
اولا
الله يجزا السمو الشيخ سالم العلى على هذا التبرع
والمفروض من الحكومه الرشيده ان تضبط المسائله هذى خاصه واهى تشاهد
جشع البنوك
وكان من المفروض قبل لاتقع
المشكله الديون ان لاتسمح البنوك
ان تقرض الافراد الا عن طريق
نسبه
وتناسب على الراتب
مو من كل هب ودب اخذله قرض 50 اللف واحسبي الفوائد البنك جم تطلع دبلات الدبلات
مشكلتنا فى الحكومه هذى اللى حتى بيت الزكاة مو راد عليها وصاير محسوبيه فى توزيع على المحاتجين
اه من ها الحكومه والقياده العليا
بعرف بس ماكو احد بالحكومه
ما يشوف ها البلاوى
ولا لا
وسوالى
موجه الى الامير ولى العهد ورئيس مجلس الوزراء
؟؟؟؟؟؟؟؟؟؟؟؟؟؟؟؟؟؟؟؟؟؟؟
انا السالفة بكبرها مو بالعها ديرة فيها كل هالخير ويصير فيها جذى؟
مو حرام
ام سالفة صفقة الاسلحة
خو ما وقفت على الاسلحة كل شى قاعدين يمشونه على خلق الله
تدريين
حالة الديررة صاار بطيييخ
معفن
هههههههه
اذا اول كنا نقوول ديرة بطييخ
جاان زيين يرجع البطيييخ
الله كرييم
ويسترنا بسترة
ومشكووورة
يقولج
شر البلية ما يضحك
اهي خربانة من كل صوب
يات على هاذي
ما تشوفين شر يا قلبووو
ان شاء الله بالعدو
الظاهر من كثر المصايب
صارت اتحوشنا الأمراض
سلامات يارب
المهم انة إتبرع
إنتى فين يا أم العيال غطسانة من مدة ومفيش عنك اخبار
لعل المانع خير
انا الصراحة ما الوم الداخليه لان الناس ماتستحي الصراحه
واصحاب الحق لازم ترجع لهم حقوقهم
اما عن منحة سالم العلي للأمانه انها اسقطت مبالغ كبيرة عن المواطنين
ويكفي اللي شفناهم عند بيت الزكاة راكبين اغلى السيارات
-------
اما عن الاسلحة
القوات الكويتية تتميز بتنوع اسلحتها فهناك الاسلحة الشرقيه وايضا اسلحة غربية
وايران إن ارادت الحرب فإنها لن تخرج واسمها ايران لانها سوف تواجه دول اكثر منها قوه عسكرية وسياسية واقتصادية
كم عدد الدول التي ستواجهها إيران ؟
والحافظ الله ياكويت
مشكورة على هالأخبار الغريبة
و التعليقات الجميلة
:)
بوست رائع صراحة
ماهي دعايه ..
ولاهو تصريح ..
اهي .. كلمة حق
بصوت / شباب الكويت
عطها من وقتك دقايق ..
وجانها عجبتك ..
انشر ولك الاجر .. ان شاء الله
http://www.binghayir.org
مشكووووووووووووووووووووووووور
إرسال تعليق